روايه وتميل القلوب لمن يريدها

سمعيلي بقا كده كل اللي قولته كام معلقة سكر الشاي مظبوط والقهوة سادة الاكل هجهزه بعد ما اخلص ترويق البيت أحطه علي السفرة و استني ف المطبخ لحد ما حضرتك تخلص و بعدين الم السفرة و امشي . _البيت و تنضيفه هنضف البيت كله و مش مسموح اكسر كوباية او طبق و مش مسموح اطلع او ادخل الاوضة اللي في الدور التاني علي الشمال عشان .. قاطع كلامي و بصلي _ عشان عشان حضرتك هتقطعلي رجلي _ تمام كده انتي كويسة امشي بقا ع التعليمات دي و قبل ما تبدأي في حاجه اعمليلي فنجان قهوة ابتسمت بتوتر حاضر يا بيه جريت من قدامه و رحت المطبخ وقفت ورا الباب اخد نفسي قلبي كان هيقف من كتر الخۏف و التوتر ايه البني ادم ده ! ايه الطول ده ده تقريبا بيوطي عشان يدخل من الباب ېخوفك بنظراته اللي كلها عصبية والله حتي نظراته زيه متعصبة ربنا يستر و اعرف اتعامل معاه واكمل في الرزق الجديد ده . المطبخ كان كله تراب حتي مكان القهوة و السكر و الكوبيات كإن محدش دخل هنا من شهور ! غسلت كل اللي قدامي و بدأت اعمل القهوة و سندت براسي علي الحيطة اللي جنبي اسمي موج حسام عندي 21سنة من قرية في المنوفية كنا عايشين زي باقي الناس انا واهلي و اخواتي الصغرين رغد و غادة في بيت دافي و هادي و والدي بيشتغل كذه حاجة عشان يتكفل بمصاريف تعليمنا كان أهم حاجه عنده التعليم و اننا نكون متنورين يااه لما كنت اقعد اتكلم قدامه كام كلمة انجليزي كده و لا لما أنجح بمجموع عالي كان بيبقي طاير من الفرحة و لما اسمعه بيكلم حد عني و مدي الفخر اللي كنت بحسه في صوته لما يقول موج بنتي نجحت رغم صغر سني وقتها لحد ما القدر لعب لعبته و اټوفي والدي من تلات سنين و من وقتها ... يادي النيلة القهوة فارت كان وقته الذاكرة تشتغل دلوقتي عملتها تاني بسرعة و طلعت خبط علي باب أوضته خبطتين _ ادخل ! دخلت و انا ببتسم وهو كان واقف باصص من الشباك للشارع متلفتش ليا حطيت القهوة براحة و بصتله وهو لسه باصص للشارع و ضهره ليا _ تؤمر ب حاجه تانية يا بيه شاورلي بصباعين بايده بمعني اني اخرج خرجت و انا ببتسم و بكلم نفسي اهدي كله خير اكيد لازم تلاقي كده خلاص مش هنعيط المفروض اننا اتعودنا.. بدأت اشتغل في البيت كان بيت كبير بسلم داخلي تحت فيه أوضة الضيوف او زي ما بيقول هنا في القاهرة ريسبشن و المطبخ في جنب عند السلم كده بس مطبخ كبير و تفاصيله جميلة و كل حاجه لها مكانها و الدور التاني أوضتين أوضة الأستاذ بحر و الاوضة التانية اللي منعني ادخلها اللي عرفته انه عايش لوحده بس الغريبة ان البيت رغم انه حلو كان كله تراب المطبخ برضو كده كإن محدش ډخله من شهور حيلي اتهد في التنضيف رغم اني اشتغلت في بيوت كتير من كتر التراب كنت بتخنق و أقف شوية و اكمل هو مخرجش خالص من أوضته كان كل شوية بيطلب قهوة او شاي بس عملت الغدا علي الساعة 5 ونص و خلصته و طلعت اسأله خبطت خبطتين _ ادخل ! اخدت نفس الاكل جاهز يا بيه احضرله لحضرتك ع السفرة ولا استني شوية _لا حضريه انا نازل وراكي _حاضر يا بيه خرجت بسرعة و نزلت أسرع عشان احضر الغدا ع السفرة جهزت السفرة كان باقي أخر طبق و كوباية المياه لما دخلت و لقيته قاعد بياكل شهقت و الكوباية كان هتقع من ايدي يمكن مخوفتش من انه ظهر فجأة قد ما خۏفت اني الكوباية تقع ! بصلي بإستغراب و رجع بص للاكل _ انتي اللي عملتي الاكل ده ايوة يا بيه بصلي بنظرة مقدرتش اعرف معناها _ غريبة نفسك في الاكل زيها بالظبط كإني باكل من ايدها هي ! احم هي مين يا بيه رجع بنظره للاكل تاني _ لا مفيش حاجه روحي استني في المطبخ و حضري ليا الشاي _ حاضر يا بيه فرحت من تعليقه علي الاكل هو مقالش انه حلو بس حسيت انه عجبه او يمكن فرحت انه هادي كده من غير العصبية او قلبة وشه 111 دي . _ انتي يااا حطيت السكر و جريت علي السفرة ايوة يا بيه _ لمي السفرة و هاتي الشاي ع فوق حاضر يا بيه بصيت ع الأطباق لقيتها فاضية ياه هو كان جعان كده ! او يمكن الاكل عجبه ! عملت الشاي و طلعته علي فوق و استأذنت منه اني امشي و اتفقنا اني هاجي بكره ع الساعة 10 اخدت المسافة جري لانه قريب من بيت استاذ بحر و دخلت بسرعة و لبست اليونيفورم تحت نظرات المدير _ انا اسفة يا استاذ محمود والله اللي ... نص ساعة تأخير يا موج _ اسفة و الله مش هتحصل تاني . تاني يوم وصلت علي معادي بالظبط و خبطت ع الباب كذه خبطة محدش رد لا مبدهاش بقا ليكون ماټ حطيت صباعي علي الجرس و منزلتوش لقيته فتح الباب و شعره نازل علي عينه كده بجنب و عيونه كلها عصبية و بدأ يزعق _ ايه ايه يا بنتي انتي في ايه انتي حيوانة مش بتفهمي ....... كمل بصوت اعلي _ انا مش قولتلك و نبهت عليكي خبطتين بس علي الباب ! بدأت ابلع ريقي و اطلع صوتي ان ..انا ان بصلي و نفخ بعصبية و دخل خطوتين و بدأ يتتكلم و ضهره ليا _ادخلي و اعمليلي فنجان قهوة بسرعة دخلت خطوتين كان هو بقا ع السلم ح . حاضر كنت هعيط انا عملت كده من خۏفي لانه عايش لوحده يكون حصله حاجه طب و انا اخاڤ عليه ليه هو من بقية اهلي خلاص اهدي محصلش حاجه اهدي . خبطت خبطتين و دخلت قدمت القهوة من غير ما اتكلم _ انتي يااا اتلفت و بصيت ف الأرض نعم يا بيه _ انا خارج ساعتين و جاي تكوني نضفتي الاوضة دي عشان الكركبة دي و كل حاجه في مكانها الكتب في المكتبه و اللبس اللي مش نضيف ده خديه اغسليه . ابتسمت حاضر يا بيه خرجت و نزلت لقيت كل حاجه زي ما سبتها امبارح تقريبا هو مش بينزل من أوضته خالص مأخدتش وقت في التنضيف لان كل حاجه نضيفة زي ما سبتها لمحت طيفه وهو نازل علي السلم كان لابس بنطلون اسود و قميص اسود و جاكت اسود كله اسود ف حسيت ان دي اشارة ب أيامي معاه كان زي بتوع السيما طول بعرض بمشية كلها هيبة حاجه كده ټخطف القلب و تقفل عليه مكنتش عايزة طيفه يمشي معاه لحد ما سمعت قفلة الباب فوقت و هزيت راسي و انا ببتسم طلعت و دخلت علي اوضته و انا مش خاېفة زي كل مرة لانه مش هنا كانت متكركبة بطريقة ملهاش وصف الكتب مرمية في كل حتة سجاير كتير ازاي بيشرب الكمية دي ! حطيت كل حاجه في مكانها و ضيفت لمسات مني علي كل حاجه زي تطبيق اللبس شكل الكتب في المكتبه شغل البيوت علمني حاجات كتير أولها النظام خلصت و رجعت ابص بصة علي الاوضة و لو تشوفها قبل و بعد هتحسوا اني رسمت لوحة . عدا ساعة و نزلت بسرعة احضر الاكل قبل ما يجي جهزت الاكل علي التسخين و قعدت طول اليوم ف المطبخ بتفرج من شباكه علي الدنيا و حركة الطريق و الناس و اهلي و اخواتي اللي حــ,,ـــــضنهم وحشني و ريحة بيتي و ريحة حضڼ ماما و بوسة رغد قبل ما انام الهوا كان شديد اوي بما اننا في ديسمبر جه في بالي اخواتي و لبسهم مسكت التليفون و بدأت اتصل _ الو ازيك يا ماما ازيك يا حبيبتي وحشتيني بقالك يومين ما اتصلتيش عليا عاملة ايه! _ انا كويسة الحمد لله معلش يا ماما الشبكة في الكافيه وحشة اوي و ايه اللي خلاها وحشة يا بنتي ما انتي بتكلميني علي طول من هناك اتخنقت من كدبي _ لا ابدا يا ماما انتي عارفة الشتا بقا و المطر و الشبكة المهم انتي بخير و اخواتي يا ماما اشتريتي لكل واحدة فيهم جاكت ولا لا ! ايوة يا حبيبتي الحمد لله هما نفسهم يكلموكي اوي و اليومين دول كانوا هيتجننوا عليكي _الحمد لله امال هما فين بتوتر هما في دروسهم لما ييجوا هخليهم يكلموكي .. _ مالك يا ماما في حاجه مخبيها عني ! لا لا ابدا يا حبيبتي انتي وحشتيني اوي يا موج عيني دمعت من صوتها اللي كله حزن _ في اقرب وقت هنزلكم يا ماما المهم خلي بالك من نفسك و من اخواتي و اي حاجه نفسهم فيها هاتيها لهم يا ماما و تقلي في لبسهم وهما خارجين للمدرسة ع اول الشهر هبعتلك المرتب و الحمد لله المدير زوده بما اننا في نهاية السنة هاتوا كل اللي نفسكم فيه . ربنا يخليكي لنا يا بنتي و يعوض تعبك خير و يرزقك باللي يستاهلك _ يارب يا ماما ان شاء الله انا هقفل عشان الشغل و هكلمكم بليل مع السلامة قفلت بسرعة قبل ما تلاحظ الخنقة اللي ظهرت علي صوتي واللي هيكون بعدها عياط قعدت اعيط و ابص للسما وحشتني يا بابا وحشتني اوي اتبهدلت اتبهدلت كتير اوي من بعدك و... مقدرتش اكمل و كنت ببص للسما و بعيط بس كإني بشكي بعيني اللي لساني مش قادر ينطقه قعدت فترة بعيط _ احم .. اټخضيت و بحركة تلقائية بسرعة مسحت عيني و كنت بحاول اجمع صوتي و بدأت اكلمه و انا مديله ضهري مش عايزة حد يشوفني ضعيفة ايا كان شغلي ايه او قبل اسمي لقب ايه !! حاض حاضر يا بيه ثواني والاكل هيجهز _ ان انتي كويسة كنت هعيط تاني لما سمعت السؤال لا لا ابدا انا بخير _ امال مش بتبصي ليا ليه ..... اخدت نفس و حاولت متطفلش عليها _ تمام جهزي الاكل بسرعة حاضر يا بيه بدأت اتحرك من مكاني اول ما سمعت صوت حركته وهو طالع ع السلم غسلت وشي و حاولت اهدي نفسي و بدأت اسخن الاكل و رحت احطه ع السفرة لقيته قاعد و بيبصلي اتكسفت و اټخضيت و استغربت في نفس الوقت كنت بحط الاكل قدامه _انتي ازاي رتبتي الكتب كده مالها يا بيه وحشة حاجه اتقطعت ضيعت حاجه _اهدي اهدي انا عجبني شكلهم و انك رتبتيهم علي حسب الحروف والالوان انتي بتعرفي تقرأي او تعرفي انجليزي ايوة يا بيه انا معايا دبلوم تجارة و كنت بحب مادة الانجليزي اوي و علي قدي فيها شوية _غريبة اوي بس برافو شكرا يا بيه بصلي شوية ف اتكسفت و بصيت للارض و طلعت علي المطبخ جري وقفت اخد نفسي قلبي كان بيدق جامد ازاي بنظرة بيخليني كده مش علي بعضي ! ازاي ! هديت شوية و بدأت اعمل الشاي مرت الايام اليوم جاب اسبوع والاسبوع بقا شهر اول اسبوعين مكنش فيه بينا اي حوار كل كلامنا عن الاكل و البيت و الأغرب انه مش بيخرج خالص طب بيشتغل ايه و ليه محدش بيزوره فين اهله أصحابه قرايبه ليه دايما ساكت و حزين و عصبي الأسبوع ده حسيته اتغير و بدأ يتكلم و حوارنا اتغير شوية النهاردة خرج و قال هيجي بعد ساعة عشان محضرش الاكل خلصت اللي ورايا و كلمت اخواتي و امي و طلعت انضف أوضة استاذ بحر و قبل ما ادخل أوضته فضولي اخدني اعرف ايه الاوضة المقفولة دايما دي و جواها ايه و ده انسب وقت وهو مش موجود قربت و فتحت الباب براحة و دخلت كانت الاوضة ضلمة عشان ستايرها مقفولة لسه هفتح النور لقيت ايد شدتني ل بره يتبع و تميل القلوب لمن يقدرها الفصل الثاني و الاخير هحطك جوا قلبي و اقفل عليكي البارت التاني لسه هفتح النور لقيت ايد بتشدني لبرا و قفل الباب و مسكني بإيده الاتنين بقوة لدرجة حسيت ان ضلوعي هتتكسر بصوت عالي _ بتعملي ايه هنا !! غمضت عيني وقلبي دق بسرعة بدأ يهز ايدي بقوة و يتكلم بصوت اعلي _ ردييي عليا انتي بتعملي ايه هنا ..ردي و الا والله .. انتي بتترعشي ليه كده انتي يااا ... من شدة الخۏف بدأت اترعش و من غير ابصله حسيت اني عيني مش شايفة بيها و ... _ ردي مش بتتكلمي ليه !! ايه اللي عملتيه ده و ازاي تعملي كده و انا مانعك و منبه عليكي الاوضة دي لا ! بدأت اخد نفسي و اتكلم _ انا انا اسفة انا مكنتش اقصد انا.. انا قولتلك هعمل فيكي ايه لو عملتي كده بصيت علي رجلي پخوف _ هتقطع..هتقطعلي رجلي بدأ يقرب و عيونه كلها شړ و ملامحه مريبة و تخوف حلو اعترفتي علي نفسك بعدت عنه و بدأت اعيط _ لا لا والنبي يا بيه انا ورايا ناس لو حصلي حاجه هيمــ,,ـــــوتوا قبل ما امــ,,ـــــوت انا عايزة اعيش عشانهم انا مستحملة كل ده عشانهم مش كفاية قطعت ليا عيشي عمرك ما هتحس بحاجة من اللي مريت بيه متأذنيش يا بيه و انا همشي و مش هدخل الاوضة ولا هتشوف وشي في البيت تاني وقف عند النقطة اللي قربها و كان بيبصلي من غير ما يتكلم مقدرتش افهم بس كنت خاېفة كنت خاېفة لدرجة محدش يتصورها جيت افتح باب البيت و كنت هجري ايده سبقت خطوات رجلي و شدني ل جوا تاني اخد نفس و حاول يتملك عصبيته هتروحي فين دلوقتي كنت بمسح دموعي و مش ببصله _ هروح في اي حته مش عايزة اخاڤ و انا قاعدة هنا تاني نفخ و اخد نفس متعيطيش بيتك قريب من هنا اوصلك اخدت تنهيدة_ لا شكرا مش عايزة من حضرتك حاجه لبست جزمتي و فتحت باب البيت و طلعت اجري فضلت اجري و اجري لحد ما بعدت خالص عن البيت قعدت و بدأت اخد نفسي و اعيط مكنتش عارفة بعيط علي ايه ولا ايه اعيط علي الخۏف و قلة حيلتي اللي كنت فيه قدامه و علي دموعي اللي نزلت و ضعفي اللي اتكشف قدامه و لا علي اني عيشي اتقطع و لسه هدور تاني و اقعد بالشهور مش لاقية ولا اني مأخدتش المرتب اللي كنت هبعته لامي الصبح و لا اخواتي اللي امتحانتهم قربت و دروسهم هتتعطل فينك يا بابا ! قمت و مسحت دموعي اللي بتنزل ڠصب عني و حطيت ايدي علي قلبي و بدأت اكلم نفسي كله خير هنتعوض هتعدي خليكي واثقة بطلي عياط انتي قوية هتعدي وهتفرج فضلت اكلم و اهدي نفسي طول الطريق لحد ما وصلت للكافيه في أوضة بحر بليل معرفتش انام من وقت ما هي مشيت عمال اتقلب ف السر,,ـــــير هي صدقت بجد اني ممكن اقطع رجلها ده انا كنت بقولها كده عشان تخاف تدخل الاوضة هي صدقت كده ازاي ! انا مكنتش عايز اسبب كل الخۏف ده جواها لدرجه انها تكون بتترعش كده مكنتش اعرف اني وحش اوي كده لما شوفت نظرة الضعف و الخۏف و قلة الحيلة دي في عينها نفس النظرة اللي شوفتها في مرايتي وقت ما حصلي اللي حصل انا اكتر واحد حاسس بيها و بمعاناتها من غير ما تحكي حاجه بس هي اللي غلطانة هي اللي مسمعتش الكلام بس هي كده مش هتيجي تاني ! معرفتش انام و نزلت للريسبشن و بصيت ع المطبخ في نفس المكان اللي كانت واقفة بټعيط فيه يوم ما كلمت والدتها فوقت من شرودي علي رنة موبايل بس ده مش بتاعي تليفونها !!! مر اربع ايام دورت علي شغل كتير بجانب شغلي في الكافيه ملقتش ف بقيت اشتغل في الكافيه الفترتين الصبح و بليل موبايلي مش لاقياه من يوم ما اتطردت من عند استاذ بحر دورت عليه كتير في كل مكان وقفت فيه ملقتوش و مكنتش عارفة اوصل لامي خالص كنت هتتجنن معرفش اذا كان المرتب بتاعي من الكافيه اللي باعته لها وصل ولا لا وهما بخير ولا لا _ تؤمر ب اي يفندم لما سمعت صوتها قلبي دق و نزلت الجورنال اللي كنت بقرأ فيه من علي وشي اتأكد هي ولا لا انتي !! انتي كنتي فين ده كله ! بصتله بدهشة و توتر _ بحر بيه ! بص علي اليونيفورم كنتي فين و بتعملي ايه هنا ! _ انا بشتغل هنا يا بيه حضرتك تؤمر ب إيه و شغلك عندي اقصد معايا _ حضرتك طردتني ي بيه و انا مش عايزة اقعد في مكان بحس فيه پخوف تاني كنت بقوله كده و جوايا بيقول يارب يقولي ارجعي يارب انا محتاجة الشغل تمام واحد قهوة سادة حسيت بإحباط شديد و كنت مستنية يقولي ارجعي كنت هرجع حتي لو بخاف منه بس حسيت اني ارتويت لما شوفته كإني كنت بقالي سنين عطشانة كنت حاسة انه كان وحشني اوي عملت القهوة و بعتها مع صاحبتي في الشغل تقدمهاله و رحت علي الترابيزات التانية اخد الطلبات و هو مشي بعد ما شرب القهوة تاني يوم بليل كان عندي الشيفت بتاع بليل من 5ونص ل 12 _تؤمروا ب ايه يا فندم ! كانوا تلات شباب بصلي من فوق لتحت ب نظرة زيه و واحد فيهم غمزلي و التالت كان بيبصلي بنفس النظرات نؤمر بيك انت ي قمر حاولت مبينش اني خاېفة _ حضرتكم مقولتوش هتشربوا ايه مسك ايدي و شدني ع الترابيزة ما قولنا نؤمر بيكي تعالي صړخت فيه _ سيب ايدي يحيوان ابعد ولو مسبتهاش هتعملي ايه _ انا للي هوريك هعمل فيك ايه ي حيلتها استاذ بحر !!! مسك الشاب اللي مسك ايدي و و شده من علي الكرسي وقعه ع الارض و ضــ,,ـــــربه كان بيضــ,,ـــــربه كأنه عدوه و الاتنين التانين من المشهد و الضړب اللي اخده صاحبهم جريوا و سابوه و انا كنت واقفة مش عارفة اعمل ايه و لا استوعب انه هنا قام وقف بعد ما استكفي من ضــ,,ـــــربه و بصله و تف عليه اتلفت ليا و بصلي قلبي اتخض كان بيدق بسرعة مسك ايدي و ضغط عليها و ركبني عربيته و بعدين ركب و ساق فضلنا ساكتين كنت ببصله بجنب كده كان بيتنفس بسرعة و ملامحه متعصبة و بيشوف بسرعة كبيرة لحد ما وصلنا للبيت نزل و فتح باب البيت و بصلي اول ما بص شلت الحزام و نزلت جري وقفت قدامه _ ادخلي اعمليلي قهوة بصتله ب استغراب من طلبه ايه !! دخل و دخلت وراه وقفل الباب و كان بيكلمني وهو طالع ع السلم _ اعملي القهوة و هاتيها ع فوق لحد ما اختفي من قدامي كنت قلقانة من وقت الضړب واللي حصل و مش قادرة استوعب اني معاه دلوقتي بس اول مرة ادخل البيت و انا مطمنة لأول مرة مكنش خاېفة منه دخلت المطبخ و لقيت كل حاجه زي ما سبتها آخر يوم ! هو مدخلش المطبخ من يومها حتي الريسبشن و كل حاجه زي ما كانت عملت القهوة و طلعت خبطت خبطتين _ ادخل ! القهوة يا بيه _حطيها علي الترابيزة و تعالي حطيتها و رحت وقفت قدامه ايوة يا بيه _ انتي هتكوني هنا دايما و ه هيكون شغلك الاساسي مش تروحي للكافيه تاني و اللي كنتي بتاخديه هناك هدهولك هنا اتفقنا ! كان بيتكلم بهدوء الله هو بيعرف يبقي هادي زي البشر كده و هل كل البشر حلوين اوي كده! بس يا بيه قام وقف _ مفيش بس انزلي تحت في الريسبشن في شزلونج هتنامي عليه ع طول و انا مش هنزل من هنا بليل عشان تتطمني منكرش اني خۏفت لما قام وقف فجأة بس فرحت اوي بكلامه حسيت براحة _ده مرتب الشهر اللي اشتغلتيه احم و ده موبايلك اللي نستيه هنا فرحت بالموبايل اكتر من فرحة مرتبي بصتله بإمتنان شكرا جدا يا بيه شكرا _ العفو اتفضلي و اقفلي الباب وراكي خرجت و نزلت و انا فرحانة مش فرحانة انا طايرة انا قلبي مبيبطلش دق لما بشوفه لما بيقف جانبي او قدامي موقف النهاردة و ضــ,,ـــــربه للشاب ده حسسني اني مش لوحدي و اني في آمان و ده احساس عظيم بقالي كتير محستوش حتي لو كان لثواني بس حسيته . نزلت و فتحت التليفون و كلمت ماما ع طول من وقت ما هي مشيت و انا بدور عليها بحس بطيفها دايما معايا قلبي كان خاېف يكون حصلها حاجه لحد ما قابلتها في الكافيه قلبي دق قلبي كان هيخرج بره جسمي من كتر الدق كنت عايز اخدها من ايدها و ارجعها معايا تاني البيت فضلت اراقبها و أقف في جنب جنب الكافيه كانت بتتعب تعب كبير علي واحدة في سنها ولما شوفتها النهاردة حد مسك ايدها مقدرتش امسك نفسي دمي كان بيغلي و لقتني بجري و هجمت عليهم و كان نفسي ا.هم بدعي قدامها انها مش فارقة بس هي جوايا حاسس انها ساكنة مكان عندي مش بأفور والله يجماعة هي ساكنة حتة جوايا انا حاسس بإحساس غريب بس حلو طب هي عارفة تنام كويس ع الريسبشن ضهرها مش هيوجعها ! الجو برد اوي وهي لبسها خفيف و كنت كل مرة بنسي اقولها تتقل في هدومها ازاي بتقدر تستحمل البرد ده طب اخد لحاف و انزلها هتخاف مني و ممكن تفهمني غلط و اكون ضعيف قدامها و انا عايز اعاقبها! و بعدين !! اخدت اللحاف و فتحت الباب براحة و كنت بنزل علي السلم لحد ما سمعت صوتها بټعيط و بتكلم حد ف الموب ليه كده يماما ليه كسرتي نفسهم كده مروحتيش للمدرس ده و كسرتي ايده ليه ازاي يضــ,,ـــــرب طفلة لحد ما يكسر ايدها ازاي تسبيه يعمل كده في رغد و يطردها من دروسها ! _...... يعني ايه هيطلعهم من المدرسة يعني ايه ده مستحمل ظروفنا انا قصرت في ايه يا ماما !و اكيد كان بيضــ,,ـــــربها قبل كده عشان معندهاش سند ف يجي عليها انتي مقولتيش ليا ليه انه عمل كده معاها ! _..... و كمان زمايل غادة بيضــ,,ـــــربوها انا هجيلكم بكره يا ماما و متخليش حد منهم يخرج لحد ما اجي سمعت كل كلامها و عياطها بعد ما قفلت تليفونها كنت حاسس اني عايز انزل اطبطب علي كتفها و اقولها متقلقش و اني معاها و حاسس بكل اللي فيها عايز اقولها اني دايما بحس برغبة اني لازم احميها حتي من غير ما اعرف اسمها ايه . _احم انتي بخير لما رفعت عينها و شوفت جفونها الحمرا حسيت اني احساس الرغبة في حمايتها رجع اقوي من تاني و قلبي دق و كنت عايز اقرب احــ,,ـــــضنها بس متعيطش مسحت دموعي بخير يا بيه الحمد لله _ بتكدبي ليه هو انا م شايفك ...... _ امسحي دموعك انا معاكي دموعها زادت و بصت في الأرض قعدت جنبها و حاولت احرك ايدي كنت بقدمها خطوة و ارجعها لحد ما استقرت علي ايدها و طبطبت عليها بصتلي تاني و بصت ل ايدي اللي علي ايدها بإستغراب و دهشة كبيرة بدأت اتوتر لأول مرة قدامها _ متعيطيش تاني انا جنبك احم و معاكي فضلت تبصلي و هي ساكتة و انا بصيت لعينها كنت اول مرة اركز في عينها كده حلوين اوي و رسمة عينها حلوة واسعه و لونها بني فاتح كده و رموشها طويلة و تشدك تقرب منها ڠصب عنك ده بعيدا عن انها اصلا حلوة بعدت بعينها و فوقت من السرحان ده و ببص لقتني قربت منها لدرجة ان مفيش بينا سنتي واحد ! قمت وقفت بسرعة و حاولت اخد نفسي و اتكلم بقوة زي المعتاد _جبتلك اللحاف ده عشان تتغطي كويس الجو هواه شديد و احتمال يمطر و ابقي تقلي في لبسك بعد كده تمام كانت بتبص ف الارض حاضر يا بيه طلعت و انا قلبي بيدق بيدق جامد دخلت و قعدت ع السر,,ـــــير و بدأت ابص من شباكي ع السما شكلنا وقعنا ! السما مطرت فجأة بعد ما قولت الجملة دي لقيت نفسي بضحك بضحك اوي ده رد السما عليا طب هي السما فرحانة لوقوعي فيها ولا زعلانة علي حزنها وعياطها قربت من الشباك كانت بتمطر بتمطر بطريقة اول مرة تحصل ف القاهرة كان مطر زي سيول مرت ساعة و كنت صاحي منمتش كنت عايز انزل اشوفها كويسة ولا لا بس خۏفت تخاف مني تاني وقفت اتفرج ع المطر و انا مستمتع و بفتكر ايامي معاهم . بعد عياط كتير فجأة لقيت البيه قدامي و قعد جانبي و مسك ايدي و قالي انه معايا ! بجد البيه قالي كده و اتكلم معايا بهدوء و براحة ! البيه كان قريب مني و مخوفتش منه! ابتسمت و مسكت ايدي مكان ما لمسني و كنت بشم ريحته في كفي كنت مطمنة لحاجه منه معايا قمت وقفت في الشباك بتاع الريسبشن اللي بيطل ع الشارع و بصيت لقيت قطة و معاها اربع قطط صغيرين بيدخلوا جوا عربية بحر من عند الماتور عشان المكان ده بيكون دفا و كمان يحميهم من ديسمبر و الشتا و هواه لحد ما الدنيا مطرت مطرت مطر شديد كأننا في سيول كنت بدعي لبابا و لاخواتي مر ساعة و سمعت المؤذن في المسجد بيقول ان محدش يخرج من بيته عشان في عمود كهرباء وقع ف المياه من تأثير المطر الشديد و اي حد هيخرج ھيمــ,,ـــــوت قلبي اترعش و خۏفت خۏفي الأكبر كان علي القطة و ولادها لو حد منهم وقع او لو هي وقعت و فدتهم هيبقوا ايتام وهما لسه صغيرين كده لا مستحيل انا هحاول اطلعهم جريت فتحت باب البيت براحة و لسه هطلع لقيت صوته سبقني _ رايحة فين !!! بصتله الحقني يا بيه تعالي ساعدني نزل براحة زي ما بينزل ع طول _ ف ايه القطط القطط و امهم _افندم الام و ولادها هيمــ,,ـــــوتوا لو وقعوا ف المياه فيها كهربا _اهدي كده عشان افهم ! المياه متكهربة و فيه قطة و ولادها ف العربية بتاعتك عند الماتور الحقهم يا بيه مش عايزاهم يمــ,,ـــــوتوا _ طب في صندوق خشب في المطبخ حطي فيه اي قطعة لحمة او فراخ و بتاعة بلاستيك كبيرة كده هاتيهم و تعالي دخلت جبتهم و روحتله و كنت هطلع _خليكي هنا و اياكي تيجي ورايا حاضر بس حاول يا بيه والنبي نزلت اول سلمتين علي البتاعة البلاستيك الطويلة و فتح العربية بقطعة خشب مكان ما القطط موجوده و بدأ يطلعهم واحدة واحدة و يحطهم ف الصندوق بس كان بياخد وقت ع ما يطلع الام !بعد ما طلعهم قفل عليهم و قرب ناحيتي قربت عشان اساعده و أخدهم منه كان هيوقع قربت و تقريبا بقا في حضڼي فصل ماسك ف ايدي دقيقتين ع الحال ده لحد ما بعدت و اخدت صندوق القطط و بصتله وهو كان واقف مكانه ع نفس الوضع بصيت ع ايده كانت پتنزف _ايدا ايدك پتنزف من ايه يا بيه تعالي ادخل ! دخلنا و شغلت الدفاية اللي بالكهربا دي و حطيت القطط جانبها و حطيت لهم اكل و جبت شاش و قطن و شوية اسعافات و بدأت انضف الچرح بتاع البيه _ تفتكري ليه اذتني كده كنت بلف الشاش عشان هي ام يا بيه _ ده انا كنت بنقذها هي مش هتفهم كده هي هتفهم الا شايفاه وهو انك بتاخد ولادها حتة منها مشاعر أمومة بالفطرة حتي لو كانت حيوانة _ ليه كنتي خاېفة كده اخدت نفس_لما شوفتها دخلت بولادها في العربية افتكرت بابا لما كان يخلينا ننام كلنا جنب بعض في الشتا و نتغطي بلحاف واحد و نقعد نتفرج ع التلفزيون لحد ما ننام و احنا في حــ,,ـــــضنه كأنه كان ضلنا و النجاة الوحيدة ف الدنيا من وقت ما اټوفي وانا اللي مسئولة عن اخواتي و امي كنت بتكدب عليها واقولها شغالة في كافيه و انا بشتغل في الكافيه و خدامة في البيوت عشان ميحسوش انهم محتاجين حاجه اليتم حاجه صعبة يا بيه محدش هيحس بيها غير اللي داق مرارها شوفت نفسي مكان ولادها شوفت ان الضل الوحيد لهم لو وقع ف المياه مش هيشفوه تاني مش هيلاقوا اللي يضلل عليهم و احتمال يمــ,,ـــــوتوا في مكانهم كده . _ تعرفي انك بتشبهيلي اوي يا انتي اسمك ايه مقامك عالي يا بيه انا فين و حضرتك فين اسمي موج يا بيه! _اسمك حلو اوي بيشبه لقلبك ابتسمت.... ابتسم و قام وقف _ تعالي معايا كنت اول مرة اشوف ابتسامته يلهويي ده قلبي هيطير من كتير الدق امال لو ضحك بقا !! مشيت وراه لحد ما طلعنا فوق ايدا ايدا!!! الحقوا ده واخدني للاوضة اللي منعني أدخلها بصلي و شاف علامات الدهشة علي وشي و اخد نفس و فتح الباب كان ضلمة جدا لحد ما فتح النور فضلت واقفة شوية مكاني _ادخلي يا موج دخلت و رجلي بتقدم خطوة و بتبعد عشرة وقفت و تنحت مكاني دخلت و فضلت ابص حواليا الاوضة كانت مليانة تراب حرفيا كلمة مليانة دي قليلة عليها في عبايات واحدة ست محطوطة ف كل مكان و صور ست و راجل كبير متعلقين في كل حته وقفت جنبه و بصتله بدهشة و استغراب كبير _ مين دول بصلي و بدأ يتكلم من خمس سنين في واحد اسمه بحر كان خلص ثانوية عامة بمجموع كبير و ظروف اهله مسمحتش له انه يكمل تعليمه في كلية كبيرة عمه بعتله انه يسافر يشتغل معاه بره سافر و اشتغل كتير و تعب اكتر و ربنا كرمه و قدم علي منحة و اتقبلت و كمل في كلية الهندسة زي ما والده كان عايز و فضل مخبي علي اهله لحد ما ينزل و يفجأهم و نبه علي عمه ميقولش لهم و بعد ما خلص الكلية بتقدير امتياز و بعد الحاح شديد قدر ينقل شغله من بره لمصر في نفس الشركة و حضر شنطته و كان نازل يفاجأ اهله بالفرحة الكبيرة دي و لما نزل اكتشف انه اهله اتوفوا في حاډثة من شهرين و جده و قرايبه و أصحابه خبوا عليه حتي عمه اللي كان معاه بره ! عيني دمعت و مكنتش قادرة ارد متخيلة متشوفيش اهلك من خمس سنين غربة و لما ترجعي تلاقيهم في كفن جوا قبــ,,ـــــر ملحقتيش حتي تودعيهم ! قطعت كل أصحابي كل قرايبي حتي شغلي بقيت اتابعه ف الموب و لما كنتي بتمشي كنت بدخل انام هنا بين حضڼ شوية الصور الباقية منهم و شوية الذكريات اللي عمري سمحلي اعيشهم معاهم . بدأت اعيط علي خنقة صوته هما في الجنة يا بيه هما شايفينك من هنا و فخورين بيك جدا و اكيد هيجي يوم و نتلاقي بيهم _لا انتي مينفعش تمشي مني زيهم مينفعش تسبيني! انا يا بيه _اسمي بحر بس فاهمه اسمي بحر بس انتي الشخص الوحيد اللي بدأت احس انه سبب عشان اعيش عشانه لما بعدتي يومين مكنتش بعرف انام فيكي منهم نفسك ف الاكل زي ماما طريقتك في القهوة زي طريقة بابا حتي تتطبيق للهدوم زي ماما شايفك حتة منهم حاسس اني عايز احميكي دايما لما كنتي بټعيطي كنت بحس بنغزة ف قلبي و اني مقصر ف حقك ف ايه م عارف بس كل اللي اعرفه اني بحب.. قلبي دق بسرعة متقولهاش مينفعش مينفعش يا بيه ! صوته علي _قولتلك اسمي بحر مينفعش يا يا بي..بحر _ ليه مينفعش ليه ! عشان انت بيه انا خدام.. قرب عليا و مسك دراعي الاتنين_ اوعي تقولي الكلمة دي تاني مينفعش اهرب من حقيقتي يا بحر احنا عايشين في بيت واحد بس كل واحد له عالم تاني مش شبه التاني انا خدامة وانت بيه . _و انا عايز ادخل العالم بتاعك عايز اكون معاكي دايما عايزاك جانبي و عايز احميكي و احمي اخواتك و اهلك و اكون كل حاجه اتحرمتي منها من وقت ما والدك اټوفي تعرفي لما سمعتك بتكلمي والدتك و بټعيطي و نزلت و قعدت معاكي و طلعت لاوضتي تاني كلمت واحد صاحبي من نفس القرية اللي انتي منها و قولتله ع اسمك بالكامل من صورة البطاقة اللي أخدتها منك اول ما جيتي هنا و طلع يعرف والدك و والدتك و حكيتله اللي حصل و طلبت يروح لاخواتك و يسمع من ماماتك و الصبح المدرس ده هينفصل من المدرسة و بعد بكره هنروحلهم احنا الاتنين سوا و ايدي في ايدك انا.. بص في عيوني اوي _بحبك هيقولوا حب خدامة _ بحبك هيقولوا البشمهندس المتعلم المتنور أتجوز جاهله _بحبك هيقولوا.. حط ايده و بص لعيوني عن قرب _ بتحبيني بصيت للارض بكسوف شال ايده و ع راسي _بتحبيني بعد خطوة واحد نفس و اداني ضهره قربت من ضهره برغم طوله مسكت فيه بقوة كبيرة من غير ما اتكلم كنت حاسة بدقات قلبه جوا حضڼي أتنفس براحة و طبطبت بأيده علي ايدي اللي _و انا كمان بحبك تعرفي نفسي ف ايه اخدت نفس _ ايه ! كوباية قهوة نشربها سوا و عارف لو الفنجان اتكسر _هتقطع رجلي هحطك جوا قلبي و اقفل عليكي تمت بحمد لله التاني والأخير

مقالات ذات صلة

القروض الشخصية : دليل شامل وافضل البنوك للحصول عليها

خطوات تقديم بلاغ عن فساد مالي أو إداري داخل المملكة

خطوات تعديل معلومات الصناديق الاستثمارية الخاصة داخل المملكة

العقارات في الإمارات: أفضل الشركات لبيع العقارات الفاخرة في دبي وأبوظبي

اترك تعليقاً إلغاء الرد